पर्वत ।
कास्की जिल्लाको अन्नपूर्ण गाउँपालिका शिक्षा समितिको बैठकले गाउँपालिकाभित्रको शैक्षिक गुणस्तर अभिवृद्धि तथा सामुदायिक विद्यालयहरूको व्यवस्थापनलाई थप प्रभावकारी बनाउने उद्देश्यका साथ सामुदायिक विद्यालयहरूको समायोजन गर्ने निर्णय गरेको छ ।
शैक्षिक सुधार, स्रोतसाधनको अधिकतम उपयोग, र विद्यार्थी सङ्ख्याको सन्तुलन कायम गर्न आवश्यकता र औचित्यताका आधारमा सामुदायिक विद्यालयहरूको समायोजन गर्ने निर्णय गरिएको गाउँ पालिकाले जनाएको छ ।
त्यसै गरी सो समितिले विद्यार्थी सङ्ख्या, भूगोल र विषयगत शिक्षक आवश्यकताको वैज्ञानिक आधारमा गाउँपालिकाभित्रका विद्यालयहरूमा शिक्षक दरबन्दीलाई न्यायोचित रूपमा मिलान गर्ने निर्णय समेत गरेको छ ।
गाउँपालिकाको दीर्घकालीन शैक्षिक लक्ष्य र मार्गचित्र निर्धारण गर्न गाउँ शिक्षा योजना मको मस्यौदा तयार पार्ने कार्यलाई तत्काल अगाडि बढाउने समेत निर्णय गरिएको गाउँ पालिकाले जानकारी दिएको छ।