मोदी,पर्वत
जिल्लाको मोदी गाउँपालिकाकाे डिमुवामा मोदी कप सेभेन ए साईड फुटवल प्रतियोगिता आइतबारबाट शुरु भएको छ । वडादशै तथा दिपावलीको अवसरमा मोदी युवा संजालको आयोजनामा संचालन गरिएको प्रतियोगिता १८ गते सम्म संचालन हुनेछ ।
प्रतियोगिताको उद्घाटन गर्दै मोदी गाउँपालिकाका प्रबक्ता बिमल लामिछानेले स्वास्थ्यका लागि खेल अपरिहार्य रहेको बताउनुभयो । उहाँले खेल क्षेत्रको विकासका लागि मोदी गाउँपालिका प्रतिवद्ध रहेको बताउँदै गाउँपालिकाभित्रका खेलाडीहरुको विकासका लागि प्राथमिकताका साथ योजना बनाएर अगाडि बढीरहेको बताउनुभयो ।
प्रतियोगिताको उद्घाटन कार्यक्रममा गाउँपालिकाका इन्जिनियर नविन शाही, नेपाली काँग्रेसका दिपेन्द्रजंग लामिछाने, लगायतले बोल्नु भएको थियो । प्रतियोगितामा २२ टिमको सहभागिता रहेको छ ।
प्रतियोगितामा प्रथम पुरस्कार रु ७० हजार, द्वितीय रु ३० हजार र तृतिय रु. २५ हजार रहेको छ । यसैबीच आज पातीचौर फुटबल क्लव र तिलाहार फुटबल क्लव बीच भएको खेलमा तिलाहार २–० गोल अन्तरले विजयी भएको छ ।
मोदी युवा संजालका अध्यक्ष समिर मल्लको अध्यक्षतामा सम्पन्न कार्यक्रममा स्वागत, विशाल महत र संचालन मन विकले गर्नुभएको थियो ।
