पर्वत ।
नवलपुर र पर्वत जिल्ला गोरखाको बारपाकमा भएको गण्डकी प्रदेश स्तरीय पुरुष तथा महिला भलिबल प्रतियोगिताको विजयी भएका छन् । बुधबार भएको फाइनल खेलमा पुरुषतर्फ स्याङ्जालाई हराउँदै नवलपुर र महिलातर्फ म्याग्दीलाई हराउँदै पर्वत विजयी बनेका हुन् ।
पुरुषतर्फ नवलपुरले स्याङ्जालाई ३–२ को सेटले पराजित गरेको हो । महिलातर्फ भने पर्वतले म्याग्दीलाई ३–२ को सेटले पराजित गरेको हो ।
प्रतियोगिताको विजेता नवलपुर र पर्वतले समान एक/एक लाख हात पारे । उपविजेता बनेका स्याङ्जा र म्याग्दीले पचहत्तर हजारमा चित्त बुझाउनुपर्यो ।
प्रतियोगितामा पुरुषतर्फ नवलपुरका हिमाल सुनारी र महिलातर्फ पर्वतकी रिमा कुँवर सर्वोत्कृष्ट खेलाडी घोषित भएका छन् ।