पर्वत
फलेवास नगरपालिकाको प्रमुख प्रशासकीय भवन निर्माणका लागि शिलन्यास कार्यक्रम फलेवास नगरपालिका वडा न ५ खानिगाँउमा सम्पन्न भएको छ । फलेवास नगरपालिकाको नाममा रहेको ६०रोपनी८आना क्षेत्रफलमा निर्माण सुरु भएको हाे । सभा हल,कार्यपालिका बैठक कक्ष सहित ४२ कोठा रहने उत्त भवन १८ महिनामा १४ करोडको लगानिमा सम्पन्न हुने छ । भवन निर्माण सगै फलेवास नगरपालिकाको प्रशासकिय क्षेत्रको कामलाइ सहजता हुनेछ ।
बिहीबार आयाेजित एक समाराेहका बीच फलेवास नगरपालिकाका नगर प्रमुख पदमपाणी शर्माले प्रमुख प्रशासकिय भवनकाे शिलान्यास गरेका हुन् ।भवन शिलन्यास कार्यक्रममा प्रमुख जिल्ला अधिकारी,प्रमुख प्रशासकिय अधिकृत, प्रहरी नायव उपरीक्षक , ससस्त्र प्रहरी वल पर्वतका एस पि, सम्पुर्ण राजनैतिक पार्टिका प्रमुख एवम प्रतिनिधि,११वटाकै वडा अध्यक्षहरु,कार्यपालिका सदस्यहरु, नगर सभा सदस्यहरु, राष्ट्र सेवक कर्मचारी,शिक्षक ,पत्रकार लगाएत नगरबासीहरुकाे व्यापक उपस्थिति रहेकाे थियाे ।
१४ करोडको लगानीमा सम्पन्न हुने गरी निर्माण हुन लागेको भवनको जिम्मा जुम्ले थान एण्ड आचार्य विल्डर्स प्रा.लि बागलुङले लिएको छ । भवन २०७८ चैत्र मसान्तसम्ममा सम्पन्न गर्ने लक्ष्य लिएको नगर प्रमुख पदमपाणि शर्माले जानकारी दिए । नगरपालिकाको भवन निर्माणका लागि स्थानीयवासीले ६० रोपनी ८ आना जग्गा निःशुल्क उपलब्ध गराएका थिए ।
