बाग्लुङ । जिल्लाको गलकोट नगरपालिका वडा नम्बर २ भुङ्खानीमा शुक्रबार राति जिप दुर्घटना भएको छ । दुर्घटनाकामा तीन जनाको मृत्यु भएको छ ।दुर्घटनामा परेर रुकुम पूर्वको पुथा उत्तरगंगा गाउँपालिका उपाध्यक्ष भुपेद्रा बुढासहित वडा अध्यक्षको समेत निधन भएको छ।
दुर्घटनामा उपाध्यक्ष बुढा, वडा नम्बर २ का वडा अध्यक्ष जसबहादुर श्रीपाली र उपाध्यक्ष बुढाकी आमा ६१ वर्षीय गोपीमाया बुढाको मृत्यु भएको प्रहरीले जनाएको छ ।
दुर्घटनामा परि गम्भीर घाइते भएका चालक रुकुम पूर्व भूमि गाउँपालिका वडा नम्बर ३ का २९ वर्षीय प्रेमबहादुर पुनको धवलागिरी अस्पतालमा उपचार भइरहेको छ।
रा १ ज २०० नम्बरको पिकअप जिप सडकबाट करिब ४०० मिटर तल खसेको थियो।
मृतक र घाइतेको प्रहरी, नेपाली सेना तथा स्थानीयको सहयोगमा उद्धार गरिएको छ।दुर्घटना राति नै भएको अनुमान गरिएको छ।