पर्वत ।
स्थानीय तहको निर्वाचन २०७९ अन्तर्गत पर्वका ७ वटै स्थानीय तहहरुको मत गणना शुरु भएको छ ।
जलजला र पैंयू गाउँपालिकामा बिहानैदेखि र कुस्मा नगरपालिका सहितका अन्य ५ तहको मतगणना भर्खरै मात्र शुरु भएको जिल्ला निर्वाचन कार्यालय पर्वतले जानकारी दिएको छ ।
पछिल्लो जानकारी अनुसार जलजला गाउँपालिकमा नेकपा एमालेका लाल बहादुर अधिकारीले ३१२ मत प्राप्त गर्नुभएको छ । उहाँका प्रतिद्वन्दी नेपाली काँग्रेसका अध्यक्ष पदका उम्मेदवार राजु आचार्यले १९७ मत प्राप्त गर्नुभएको छ ।
जलजला गाउँपालिकाको वडा नम्बर १ मा एमालेका उम्मेदवार जग बहादुर रोकाको प्यानल नै बिजयी भएको छ ।
त्यस्तै पैयूँ गाउँपालिकामा नेपाली नेपाली काँग्रेसका राज मल्ल ठकुरीले १५९ मत प्राप्त गर्नुभएको छ भने उहाँका निकतम प्रतिद्वन्दी महेन्द्र श्रेष्ठले १३२ मत प्राप्त गर्नुभएको छ ।
अन्य तहहरु मध्ये फलेवास, कुश्मा, मोदी, बिहादी र महाशिलामा भर्खरै मात्र मतगणना शुरु भएको बताइएको छ ।