काठमाण्डौ ।
अविरल वर्षाका कारण आएको बाढी तथा पहिरोमा परी विभिन्न जिल्लामा गरी हालसम्म ३५ जनाको मृत्यु भएको छ ।
प्रहरीका अनुसार काठमाडौंमा ९ जना, ललितपुरमा ९ जना र भक्तपुरमा ३ जनाको मृत्यु भएको हो । पहिरोमा पुरिएर पाँचथरमा ३, धनकुटामा २ जनाको मृत्यु भएको छ । सिन्धुपाल्चोकमा पहिरोमा परी २ जनाको मृत्यु भएको छ ।
काभ्रेमा पहिरोमा परेर ६ र धादिङमा खोलाले बगाएर १ जनाको मृत्यु भएको छ । प्रहरीका अनुसार ५० भन्दा बढी बेपत्ता भएका छन् । १ हजार ७२ जनाको उद्दार गरिएको प्रहरीले जनाएको छ ।