काठमाण्डाै ।
आईसीसी टी-२० विश्व कप क्रिकेटको एसिया छनोटको उपाधिका लागि आज नेपाल र ओमान बीच खेल हुने भएको छ ।
सो फाइनल खेल त्रिवि क्रिकेट मैदान कीर्तिपुरमा बिहान ११ बजे शुरु हुनेछ । नेपालले यूएई र ओमानले बहराइनलाई हराउँदै फाइनलमा पुगेका हुन् ।
समूह ‘ए’ मा रहेका दुवै टोली लिग चरणमा समेत भेट भएका थिए । लिग चरणको खेलमा ओमानले नेपाललाई ५ रनले हराएको थियो ।
सेमिफाइनलमा यूएईलाई ८ विकेटले हराएर फाइनल प्रवेश गरेको नेपालले उपाधिका लागि ओमानसँग खेल्न लागेकोले खेल थप रोचक हुने अपेक्षा गरिएको छ ।
प्रतियोगिताको फाइनल प्रवेश गरेका यी दुवै टोली सन् २०२४ मा वेस्ट इन्डिजमा हुने टी-२० विश्व कपमा छनोट भइसकेका छन् ।